Archive for January, 2009
09 澳門之旅 @大三巴
Saturday, January 31st, 2009Jan 23, 09
食完晏就去大三巴搵 Jake Jake ….. 嚟咁多次澳門都無同過 Jake Jake 去大三巴 ….
見今次同左賓賓嚟 … 都帶人去下 d 觀光地點睇下啦 …..
未結婚前都有同爸爸係大三巴影過相架 ….
只係有左 3個月のママ …. 好似有左5個月咁 ………… (爆)
09 澳門之旅 Lunch @Robuchon a Galera
Friday, January 30th, 2009Jan 23, 09
上次同完 Maria & 同事們食過 Robuchon a Galera … 真係好 miss ….
難得Amy 姨姨及姨丈回港及一齊過澳門 …. 緊係帶佢地嚟試下米芝蓮澳門2星の餐廳啦 ………..
雖然ママ還飽緊個早餐 … 但點可以唔叫 4 courses meal ($495.00+10%) …..
想話快快食完快快走 …. 但最後都係由12點半食到 2點幾先走 ….
同上次一樣 … 都係一開始送上鵝肝燉蛋配巴馬乾芝士泡泡
ママ勁鍾情Robuchon の麵包 …. 食左4個 ……… (爆) …. 栗子包都好好味喎 …..
ママの前菜選左 mid-cook 三文魚配黑胡椒多士 … 三文魚同牛油果勁配合 …. 第一次食到牛油果而一d都唔覺肥利 …..
爸爸の前菜選左煙薰鵝肝 …. 鵝肝片下既菇菇好好味 … 都係第一次試鵝肝配菇 … 咁大片の菇 …. 會唔會係飽魚菇呢 ?
Amy 姨姨都係選左煙薰鵝肝做前菜 …. 而姨丈就選左黑松露菌豬肉碎伴 bruschetta …. 上次嚟都有這道菜 …….
湯 …. ママとAmy 姨姨都係選左Artichokeの湯 … very creamy ….
有 bacons & basil 係底再由 waitress 倒入濃湯 …..
爸爸と姨丈就選左 crab bisque … 蟹肉及泡泡係透明杯內 … 自行倒入濃湯 ….. 兩個湯都好好飲 …..
主菜 …. ママと姨丈係羊 … 非常嫩 …. 四件 puffs 都唔同味 … 波菜羊乳酪、羊肉、……..
爸爸とAmy 姨姨都係選左和牛漢堡排 style … ママ本人就覺得好 “榴” ……
甜品車嚟啦 …. 都係選3款 … 爸爸今次無要芝士車 luuu ….
見佢地無推架糖果車嚟 …. 原來架車壞左喎 ….. ママ就自己行去車到攞 …. 攞左糖糖畀 Jake Jake
09 澳門之旅 Day 2 – 澳門威尼斯人度假村酒店 @ Outdoor
Friday, January 30th, 2009Jan 23, 09
食完早餐 … 親有時間就同 Jake Jake 周圍影下影相 ….
07年嚟 … 好多道都未開 ….. 今日由南翼 (今次入住の) 行到大門 … 由大門行去四季酒店 … 再行回南翼 …..
無乜耐性影相既 Jake Jake ….. 十張得一張見得人 …. (爆)
09 澳門之旅 Day 1
Thursday, January 29th, 2009Jan 22, 09
又係每年一次既澳門旅行 …. 今年因為唔想農曆年去既關係 …. 所以提前出發 …..
第一次帶賓賓一齊去 …. 真係輕鬆好多 ….
如果唔係住威尼斯人都唔會帶佢去 …. 因為威尼斯人既房真大 … 還有2層 …
賓賓又有 sofa 床訓 … 非常好 …. 不過如果叫開床就要加 $500 ….
房間相@07
爸爸座下午船 … 我地一家就座早船 ……. 係碼頭食完早餐就出發 ……
到達澳門又搵唔到太嫲嫲 ….. 唯有入去威尼斯人 check in 及食晏先 …..
3點左右再去太嫲嫲家拜個早年先 …..
Jake Jake 入到太嫲嫲家の廁所就同婆婆講 …. “Very dirty ~~~~” ……
老人家の屋企通常都係咁 … 大驚小怪 …..
大家都諗住3點9離開 … 但太嫲嫲堅持同我地去小時候の公園 ….
咁就一齊去行個圈 …..
入到公園 … Jake Jake 不停問係唔係 “is this jungle ? is this forest ? …. ”
公園同細個時都無乜變 …… 細個時湖內有好多荷花 …. 唔知係唔係因為冬天 …. 所以變成咁 …..
屎水咁 ……
去完公園搵左好耐都無的士 …. 最後座巴士去福隆新巷食雙皮奶 …. of course Jake Jake 一d都唔鍾意 ….
Amy 姨姨食既薑汁撞奶 …. 即叫即撞 ….. 超滑 …. 相比下 ….. 雙皮奶就 ………
保健牛奶公司
電話:28938391
地址:福隆新巷4 號
食完就搵車返碼頭再回威尼斯人會合爸爸及姨婆食晚飯 …. 晚飯係小島葡國餐廳 … 無乜特別只係求方便 …..
飯後就係睇 ZAIA ………..
個半鐘真係啱啱好 …. 因為開始有 d 悶 ……
一到 d 悶野 … Jake Jake 就話要 go home ……
見到人地玩圓環 … 就隊起隻腳搖 …. 笑死人 ……
睇完ママ同 Jake Jake 就回房 …. ママ crabs 都無去 …. 因為真係太攰 …..
Jake Jake 做哥哥
Thursday, January 29th, 2009Nov 29, 08 (5星期 & 1日)
見已經遲左5日 …. 自己都估唔到 …. 會咁中 …. 不過都係 check 下好 ….
同花姐去做完 facial 就去左萬x 買 …. 畀錢時 …. 花姐彈開左好遠 …. 細路女真係細路女 …. 有乜好怕羞 ….
回到屋企 … 一直都忙緊餐蠔餐 … 都無機會去 check …. 結果等到去老公のバー 前先去 check ….
一出來好淺色 … 打畀陳太問下啦 …. 最後要帶出嚟畀陳太睇下先 …. 陳太話應該係 ….中
Dec 01, 08 (5星期 & 2日)
今日10點打去約羅醫生 make appointment confirm 一下 ……….
赤ちゃん好細粒 …. 羅醫生話如果係星期六嚟都未必睇到 …..
ママ真係好緊張 …. 成個下午都好似心跳得好快咁 … 有點呼吸困難 … 有點想嘔 …..
其實上星期胃口都有點改變 … 只係自己唔覺 ….
成日都好想食蕃茄 …. 熟ママ既朋友都知ママ唔食生蕃茄 … 但唔知點解 …. 好想食 …..
Dec 02, 08 (5星期 & 3日)
今日同 Ber Ber 講電話 …. 發覺 …. 係喎 …. 要去還神 ….
ママ希望個日有份一齊去求神既朋友都願望成真 ….
勁有 craving for 蕃茄 ……. lunch 就去左食蕃茄意粉 …. 今晚都係蕃茄牛肉飯 ….
Dec 03, 08 (5星期 & 4日)
今日打左電話去姻緣石既謝姑娘 … 佢會幫我多謝左石公及石婆先 … 等赤ちゃん 出世後先再去還神 ….
希望咁樣安心d啦 …. 感覺上 …. 好似已經比起上次 Jake Jake 辛苦 …..
Dec 04, 08 (5星期 & 5日)
尋日放 lunch 時已經覺得有感冒既開始 … 食完 lunch 就返左屋企訓 … 訓左一個鐘就同 Jake Jake 落左樓下搵新開間 masion du choco … 買完野就去左睇醫生 ….
醫生開左d孕婦食得既感冒藥 …. 食飽晚飯就已經上床 …. 食左藥一d都無反應 ….
今早起身 … 半邊鼻都係透唔到氣 …. 見食左藥都係一樣 …. 所以今日都係唔食 …. 唔想影響 BB
Dec 07, 08 (6星期 & 1日)
嚴重鼻敏感
Dec 08, 08 (6星期 & 2日)
嚴重鼻敏感比尋日勁
Dec 09, 08 (6星期 & 3日)
今早勁肚餓 … 唔知係唔係尋晚無胃口食得太少 …
一早落左去食燒mai … 回到公司食茶葉蛋 … 食晏前食左包餅 … 去到 triple o ，caca 食到一半飽時 … 我都已經食完 …. 反而到晚飯又唔係太肚餓 …
Dec 10, 08 (6星期 & 4日)
尋晚爸爸見Jake Jake 舊曆生日 … 人齊就已經 announce 左畀大家聽七月尾 Jake Jake 就做哥哥 …
今早還係鼻敏感 … 所以勁唔舒服 … 有d 想嘔 ….
also, 今日通知左 HR … HR 既同事話產假要前2後8 …
等ママ諗掂點生先再 plan 假啦 ….
Dec 12, 08 (6星期 & 6日)
前兩日早上都有好強烈既 morning sickness ….. 心口悶加上有作嘔感覺
今早還要去 Jake Jake 學校同佢慶祝生日
好驚又唔舒適，好彩又一Ｄ野都無
下午入迪迪尼，希望無唔舒服
平時下午都會無咁想嘔，應該都唔會有問
明天早上去 check up …. 醫生上次話應該睇到有心跳
Dec 12, 08 (6星期 & 7日)
今日同爸爸一早去左羅醫生到睇睇BB
今次最緊要係睇下BB既心跳
羅醫生係肚上照下先
一Ｄ都睇唔到，所以都係要由下面照
醫生話BB係７星期都算係細
叫ママ２個星期後又嚟check up
Dec 15, 08 (7星期 & 2日)
應該係身體及心情開始出現變化
近日對 Jake Jake 既要求多左及高左
好想 Jake Jake 可以多 d 照顧自己
可能係咁攪到佢成日不停喊
佢一喊我又嬲多d
Jake Jake 都好叻仔啦 …. 問佢 Where is BB … 佢都識得答係 “Inside Mami’s tummy” …
ママ唔會再不停對你發咁多皮氣 … Sorry Jake Jake
Dec 16, 08 (7星期 & 3日)
尋晚係婆婆家食完飯回家後 …. 發現去完洗手間有小小血水及血線 ….
一開始ママ都有 d 驚小朋友有事 ….
但諗下諗下 … 如果有事應該個肚會好痛 … 但又無 ….
記得上次 Jake Jake 都有試過有血水 … 應該無問題 ….
緊張既爸爸叫ママ今日打過電話問下醫生安全 d 喎 ….
Dec 17, 08 (7星期 & 4日)
尋日未去食晏前都已經唔太舒服 … 頭又重又痛
最後都係返左屋企
訓醒都係一樣痛 … 野都無乜食就再上床訓
今早起身好左Ｄ ….. 不過都係去睇下醫生好Ｄ ……
Dec 18, 08 (7星期 & 5日)
尋日十點就出發去中環睇中醫 …. 行到半路已經覺得好昏 ….. 快快睇完醫生就快快回家 ….
休息左一日 … 今日已經好左好多 ….
醫師話醫好左感冒後再同我保身 …. 希望今次可以肥B 唔肥媽 …. 我想 BB 吸收多 d ….
Dec 18, 08 (8星期 & 1日)
勁病
喉嚨痛 … 有咳
眼又唔知做乜野 … 畀 Jake Jake ‘野’ 左紅眼証
Dec 23, 08 (8星期 & 3日)
一D 都無好過 …. 已經無返日半工
今日下午返左公司 …. 又唔記得帶眼藥水 …. 眼都幾攰下 ….
Dec 25, 08 (8星期 & 5日)
Merry X’mas BB. See you on Saturday.
Dec 27, 08 (9星期)
今早去左睇 BB …. 其實好多日都好擔心 BB …. 因為上次醫生已經話 BB 好細 ….
今日終於可以係肚皮上照到 BB ….. 不過都係好細 ….. 只係得 7個半星期大 ….
醫生要等到 20號先可以確定預產期係唔係八月五日 ….
Dec 29, 08 (9星期 & 2日)
八月五日預產期 … 只係8星期 & 5日
今日係到 clean up 個 blog時 …. 發覺原來懷 Jake Jake 7 星期都已經係 blog 到寫有關 Jake Jake 既事 ….
其實幾時先過個小氣期呢 ? 由懷孕開始計或 BB size 開始計呢 ?
Jan 01, 09 (9星期 & 5日)
Happy new year BB. 哥哥訓緊 morning nap.
Jan 05, 09 (10星期 & ２日)
上星期四喉嚨又開始痛 … 想話打一餐美味既火鍋都食得唔開心 ….
成個週末鼻敏感不停 …..
Jan 0６, 09 (10星期 & ３日)
尋日放工去左黃醫生到，黃醫生話有少少發燒
最好留係屋企休息
今日無返工
Jan 13, 09 (11星期 & 3日)
已經無晒 morning sickness ……
Jan 19, 09 (12星期)
3 個月啦 …. 今日晏d會去做 check up ….
可能 BB 已經大啦 … 近日都不停有郁動 … 特別係食左甜野後 ….
ママ miss you … 好想快 d 去睇下你
Chinese Baby Chart
唔知今次準唔準 ? 上次 Jake Jake 都準o架 …..
今日結果攪到5:45 先睇完醫生
羅醫生今日話預產期會係8月8 …… 都係得11星期2日大
如開刀 …… 就會係7月25 …….
Jan 28, 09 (12星期&4日)
今日去完中環買野後 …. 回家時係地鐵暈左係地 …. 好彩有好心人幫ママ落車 …. 爸爸就落左地鐵接ママ回家休息 ….
Jan 29, 09 (12星期&5日)
等左咁耐 … 終於可以 publish this post …..
