January 20, 2012
接 Jacob 放學就回家接 Joelle、婆婆同 Amy 姨姨一齊入迪迪
樂園都幾多人
又係食晏時間
所以好多到都要排隊
行左一個圈先決定係公主餐廳食晏
先再去玩
Joelle 鍾意玩小小世界
Jacob 話唔想玩
只係想飲思樂冰
小小世界好多人
要排成15分鐘
其間又係有國內同胞不停話小朋友係前面
要求讓佢過先
其實位位都係畀咁多錢入場
位位都要排隊
點解成日都係叫D小朋友攝去前面
跟住個大人再攝上去呢？
點解要咁樣培養下一代呢？
咁放心小朋友一個行先
唔危險咩？
玩完小小世界後會合番 Jacob 就行去 Toy Story Land
Joelle 要玩彈弓狗
Jacob 就又唔想玩
因為唔想排隊
彈弓狗要排差唔多一個鐘
排後面係一對國內母女
佢兩個都算有禮
好正常排隊
所以唔係個個國內人入到樂園都係咁鍾意打占
不過排到差唔多時
國內媽媽突然叫睇住佢個女
自已就跳左出去
佢個女最多得5歲
點可以咁
小妹妹就無喊
不過就不停叫喊媽媽
真係咁都得
唔驚危險咩？
上彈弓狗前又有奇怪事件
就係無啦啦有位國內小朋友攝到後面
工作人員又問佢幾位
又畀佢入去玩
點解可以咁架？
ママ跟後面一家香港人都立即同經理理論
“個位小朋友無啦啦攝到前面、又無屋企人一齊，你地都畀佢玩？佢唔駛排隊㗎？”
最後經理同小朋友了解
小朋友話佢係一個人嚟
隔左一班車後又畀佢玩！
真係唔知樂園想點
咁都得！？！
樂園都知打占問題嚴重
不停有講播叫賓客禮貌排隊
差唔多就到5點
都係回家
